Dəyişikliklərin idarə edilməsi…


Bloqumuzu izləyən oxucularımız yəqin xatırlayarlar ki, həm 2012, həm də 2013 üçün Bain&Company tərəfindən araşdırılıb hazırlanan TOP 10 idarəetmə texnikalarının hansılar olduğu haqqında yazılarımız vardı… Bu yazımda həmin siyahıda yer alan və bununla da hələ də öz aktuallığını və önəmini qoruyan “Change Management”-“Dəyişikliklərin İdarə edilməsi” idarəetmə texnikası haqqında qısa da olsa sadə bilgi paylaşımı etmək istədim.

– Change Management- ən sadə dillə desək, bir şəxs, qrup və ya qurumun mövcud vəziyyətindən başqa bir vəziyyətə keçməsini təmin edən sistemli yanaşma tərzidir. Change management davamlı bir prosesdir və ya olmalıdır. Digər sahələrdə olduğu kimi bu sahədə də müxtəlif tezislər, fikirlər irəli sürülmüşdür. Bununla əlaqədar çox sayda ədəbiyyat, kitablar, məlumatlar vardır. Mən bu yazımda uzun-uzun bu barədə söhbət açmaq istəmirəm. Bu idarəetmə texnikasının qəbul görməsi üçün işləməsi və nəticəyönlü olması vacib faktordur. Dəyişikliklərin idarə edilməsi də əslində bu məntiqə dayanmaqadadır. Yəni hər hansı bir dəyişikliyə getmənin bu və ya digər şəkildə əsaslı bir məntiqi, məqsədi olmalıdır. Dəyişiklik olsun deyə dəyişiklik etmək gözlənilməz mənfi nəticələrə çıxara bilər. Bu idarəetmə texnikasının uğurlu istifadəsi üçün bu yazımda Beckhard formulundan bəhs etmək istəyirəm. Növbəti yazılarda isə bu sahədə digər model və fikirlər haqqında davam edəcəyəm. Beckhard formulu (bəzən Gleicher, Beckhard, Harris modeli adlanır) belədir:                                            D x V x F > R və ya C=D x V x F > R Burada,  C- (Change) Dəyişiklik, D-(Dissatification) Mövcud vəziyyətdən narazılıq dərəcəsi, V-(Vision) Reallaşdırılacaq vizyon (məqsəd), F (First steps)-Dəyişiklik üçün atılacaq ilk addımlar və ya izlənəcək yol, R-(Resistance to change) isə Dəyişikliyə qarşı ortaya qoyulan müqaviməti ifadə edir. Bəzən isə bunu maliyyət yanaşmasından yola çıxaraq dəyişikliyin maliyyəti olaraq qəbul edirlər… Göründüyü kimi hər hansı bir dəyişikliyə nail olmaq üçün yuxarıdakı  əsas faktorlara diqqət etmək lazımdır. Hər hansı bir qurumda, şirkətdə dəyişikliyə nail olunması üçün: 1) Mövcud vəziyyətdən narazılıq dərəcəsi yüksək olmalı (və ya bu məqsədyönlü şəkildə artırılmalı), 2) Dəyişiklik hansı məqsədlə istənir (vizyon nədir?) və nəticədə nəyə nail olunacaq əsaslandırılmalı və maksimum  sadə və aydın olması ilə bərabər, bu məqsədə duyulun ehtiyac və arzu da maksimum olmalıdır. 3) Dəyişiklikdə atılacaq xüsusilə ilk addımlar cəlbedici, effektiv və qəbuledici olmalıdır. Bunlardan hər hansı bir faktorun “0” və ya buna yaxın olduğu təqdirdə dəyişikliyə qarşı olan müqavimət vəya dirəniş daha təsirli olacaq və bu da dəyişikliyin həyata keçməsinə mane olacaqdır… Maliyyət yanaşması ilə dəyişikliyin maliyyəti yüksək olacaq və ya yüksək görünəcəkdir… Fikrimcə həyatın və idarəetmənin bütün sahəsində istifadə edilə biləcək bir məntiqli formuldur… Necə ki bütün müxtəlif sahələrdə uğurlu və uğursuz dəyişikliklərə baxsaq bu 3 faktorun önəmli rol oynadığını görərik… Dəyişiklik yaxşıdır, ancaq məntiqi və əsaslandırılmış olmalıdır! Növbəti yazılarda bu mövzu haqqında yazmağa davam edəcəyəm… Uğurlar diləyi ilə…

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış /  Dəyişdir )

Google+ foto

Google+ hesabınızdan istifadə edərək şərh edirsinz. Çıxış /  Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış /  Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış /  Dəyişdir )

%s qoşulma